Во срцето на Гостивар, во пријатната атмосфера на градскиот парк, се одржа инспиративен „Отворен ден“ посветен на активно стареење и живот во третото доба. Над 100 учесници – пензионери, граѓански организации, даватели на социјални услуги и заинтересирани граѓани – се собраа за да споделат искуства и да се дружат.
Пензионерите споделија инспиративни приказни и совети за здрав и активен живот. Штандовите беа исполнети со рачни изработки, украсни предмети, публикации од гостиварски автори, а попладнето беше збогатено со друштвени игри и многу забава.
Негувателките од СОЦИО се погрижија за здравјето на присутните, мерејќи крвен притисок и шеќер, и ги презентираа своите услуги за грижа во домот.
Настанот беше доказ дека кога има поддршка стареењето може да биде активно и исполнето.
Овој отворен ден е организиран во рамките на проектот ,,Локална иницијатива за подобрување на социјалните услуги за старите лица” кој е спроведуван од Здружение за обезбедување социјални услуги- ,,СОЦИО”, Гостивар во партнерство со Здружение Анисија од Гостивар. Овој проект е субгрант добиен во рамки на ,,ЕУ поддршка за Граѓански ресурсен центар- фаза 2” финансиран од Европската Унија.
Напишете коментар